Tahimik lang ako sa mga ginagawa ko, kapag may mga kailangang ipasok ako sa loob ng opisina ni Sanjoe ay tahimik ko lang din iyong pinapasok. Nakatingin siya nang muli kong ipasok ang ilang papeles na kailangan niyang pirmahan. Matapos kong ilapag iyon sa lamesa niya ay akmang lalabas na muli ako nang magsalita siya.
“Do we have a problem, Arlene?” Tanong nito.
I looked at him straight into his eyes.
“None, Sir.” Magalang na sagot ko.
Nakatingin lang siya sa akin na tila ba nagtataka sa inaasta ko. Anong gusto niyang sabihin ko? Na naiinis ako dahil napasalampak ako sa table dahil sa babae niya. Na sobrang sakit ng likod ko, na bwesit siya dahil hindi naman niya nilinaw ang instructions niya regarding to his girls! May favorite naman pala siya, hindi niya agad sinabi, nasaktan pa ako!
