Halos limang minuto na yata ang nakalipas pagkatapos mabasa ni Quin ang text ni Pio ay hindi pa rin n’ya magawang replyan ang message nito. Kanina pa s’ya pabalik balik ng lakad sa kwarto. Hindi n’ya alam kung bakit kabadong kabado s’ya dahil sa isang simpleng text lang nito!
“Magrereply o hindi?” Halos sabunutan na n’ya ang sarili dahil hindi agad makapag desisyon. Baka naiinip na ito dahil hindi pa s’ya nagrereply!
Dahan dahang naglakad s’ya palapit sa gawi ng bintana at sumilip sa blinds para tingnan kung gising pa si Pio. Nakita n’yang bukas pa ang ilaw sa kwarto nito kaya paniguradong gising pa ito. Kinagat n’ya ang ibabang labi at kinuha ang phone para replyan ang message nito pero bago n’ya pa ‘yon magawa ay may panibagong text na naman galing ulit kay Pio. Halos magdugo na ang ib
