Nang matapos kumain ang mga bisita ng Papa ni Quin ay nagulat pa s’ya nang sabihan s’ya ng Mama n’ya na s’ya na lang ang mag grocery at pinakiusapan na daw nito si Pio na ipag drive at samahan s’ya. Walang nagawang tumango na lang s’ya dahil nakikita n’ya kung gaano ito ka-busy nang mga oras na iyon. Inaasikaso pa kasi nito ang bunso n’yang kapatid na kanina pa iyak ng iyak at nagmamaktol nang umuwi si Pio para maligo. Hindi n’ya talaga alam kung ano ang ipinakain ni Pio sa kapatid n’ya at parang adik na adik ito sa presensya ng Procopio Labatete Jr. na ‘yon!
“Procopio! Anong petsa na?!” Tanong n’ya nang makapasok sa bahay ng mga ito at makatapat sa pinto ng kwarto nito. Inabot na kasi ng isang oras ito nang magpaalam na maliligo lang para makapunta na sila sa supermarket. Weekend at pani
