Calista
DADALAWIN namin ngayon si Mama. Magaan ang aking pakiramdam dahil maayos ang naging resulta ng mock exam ko noong nakaraan. Alam ko na iba pa rin ang mismong bar exam pero kahit papaano ay nakikita ko na may pag-asa.
“Motorbike mo ang gagamitin natin, Rage?” tanong ko nang makita ang mamahalin niyang motorbike.
“Yes,” sagot ni Rage. Isinuot niya sa akin ang helmet habang ako ay pinagmamasdan naman siya habang inaayos ‘yon sa akin.
Sumakay ako sa motorbike niya at niyakap siya mula sa likod para magtungo kami papunta kay Mama.
Excited na akong makita ulit siya. Nakakapag-usap naman kami ni Mama sa phone pero hindi iyon sapat sa akin. Gusto kong makita siya nang personal.
Matagal-tagal din ang naging byahe. Traffic pero nakakalusot kami dahil nga naka-motorbike. Idagdag mo pan
