[Pamela]
HUMIKBI siya. Naninikip ang dibdib niya sa sobrang sakit. Kung wala ang mga kaibigan niya ay iisipin niya na nag-iisa lang talaga siya.
"P-Puro nalang si ate Kyle... paano naman ako? A-Anak niyo rin naman ako." Puno ng pait na tumingin siya sa mga ito. "H-Hindi ko naramdaman na minahal niyo ako..."
Tumalikod ang mama niya. "Itigil na natin ang ka-dramahan na 'to. Maghintay ka dahil sigurado ako na parating na ang asawa mo-"
Tumayo siya at nagpahid ng luha. "Hindi ako sasama sa kanya at hindi na rin ako mananatili dito sa bahay na ito. Ayoko na... hindi ko na isisiksik ang sarili ko sa pamilyang hindi naman ako pinahalagahan."
Dinampot niya ang bag na dala niya. Pero hindi siya hinayaan ng ama niya na makalabas dahil hinawakan siya nito sa braso.
"Wag kang tanga, Pamela! Gam
