[Pamela]
WALA siyang pasok ngayon araw ng linggo kaya inabala niya ang sarili sa paglilinis at pagtanggal ng mga maliit na damo sa tabi ng mga halaman niya. Natigil siya sa pagdidilig ng halaman at nagpalinga-linga. Ito na naman ang pakiramdam niya na may nagmamasid sa kanya. Ramdam niya ang mata ng kung sino na parang tumatagos sa pagkatao niya ang tingin.
Bumuntong-hininga siya. Hindi niya alam kung totoo ba o guniguni lang niya. Wala naman siyang tao na nakikita na nakatingin sa kanya kaya baka paranoid lang siya.
Hindi sinasadya na napatingin siya sa daliri kung nasaan ang singsing na sinuot sa kanya ni Zoren. Ano kaya ang buhay na mayro'n siya ngayon kung nanatili siya sa tabi ni Alaric?
Malungkot siyang ngumiti. Sigurado na paulit-ulit siyang nasasaktan kung hindi siya nagpasya n
