PAGBALIK ni Yvonne sa laboratory ay nanlaki ang kanyang mga mata sa naabutan niyang eksena sa pagitan nina Lucieno at Travis. Parehong galit ang dalawang lalaki. Hawak ni Lucieno ang kuwelyo ng suot na polo ni Travis at nakataas na ang kamao nito upang suntukin si Travis. Si Travis naman ay tila handa nang gumanti at makipaglaban.
“Lucien, stop!” sigaw niya bago pa man nito masuntok si Travis. Hindi niya ito mapapatawad kapag nasaktan nito ang nobyo niya.
Nilingon siya nito. Nanlilisik ang mga mata nito. Maraming beses na niya itong nakitang inis na inis sa kanya. Maraming pagkakataon na niya itong nakitang nagalit dahil sa pagsuway niya sa kanyang ina o sa pagsagot niya sa mga magulang niya. Ngunit iyon ang unang pagkakataon na nakita niyang ganoon ito kagalit sa kanya. Tila suklam na s
