Seryoso lang akong nanunuod ng palabas ngunit 'yung nasa kanan ko ay takot na takot na sa palabas kahit pa kakasimula palang nito.
"Ok ka lang?" natatawang tanong ko kay Ada habang nagtatago siya sa gilid ko.
"O-oo Ate," nanginginig na tugon niya.
"Sige hawakan mo lang ang damit ko at magtago ka lang diyan mamaya nasa tabi mo na si Annabelle,"
"Hala Ate wag naman ganun!" Angal niya sa akin habang natatakot.
"Joke lang."
Hinipo-hipo ko ang buhok ni Ada para pakalmahin siya ng bigla kong maramdaman ang isang mainit na bagay sa kaliwang kamay ko. Napatingin ako dito at nakita si Hugo na hinahawakan ang kamay ko. Hindi ko pinigilan si Hugo sa ginagawa niya ngayon dahil gusto ko rin naman na kahawak kamay siya ngayon dahil bukod sa malamig sa loob ng sinehan ay gusto ko rin ng kalandian.
