Mercedes
MATAGAL ko nang alam na adopted child lang ako ng mga Salvatore. Bata pa lamang, sinabi na iyan sa akin dahil ayaw raw nilang maglihim sa akin. Ayaw nilang pagdating ng araw ay magalit ako sa kanila dahil nilihim nila ang tungkol doon. Sabi ko nga, tinanggap ko nang buong-buo dahil hindi rin naman nila pinaramdam sa akin na naiiba ako sa kanila.
Minahal nila ako nang lubos na kahit minsan ay hindi ko naramdaman na inampon lang nila ako.
I never met my biological parents. Ang alam ko lang ay wala na akong pamilya. Hindi na rin ako nagtanong tungkol sa kanila dahil masaya na ako sa buhay ko.
Until…now.
Hindi ko akalain na bigla akong makakaramdam ng curiosity tungkol sa tunay kong mga magulang dahil sa litratong ipinadala sa akin ng hindi ko pa kilalang tao. Hindi ko alam kung
