"ANAK, kumusta ka rito?" Sinalubong ako agad ng yakap ni mama nang makita akong papalapit sa kanila.
"Oo nga, anak. Maayos ba ang trato nila sa 'yo rito?" 'yon din agad ang tanong ni papa. Ngumiti ako sa kanila.
"Ayos lamang po ako rito. Mababait po ang mga kasama ko sa loob. Wala po kayong dapat na ipag-alala sa ak..." nahinto ako bigla sa pagsasalita nang makita si Noah sa isang lamesa, nakatingin sa amin habang blangko ang mukha.
Kasama ba niya sina mama't papa? Siguro'y oo. Sabi naman din niya kahapon ay babalik siya ngayon.
"Noah, Angelique, hangad naming ayos na kayong dalawa. Masaya kaming tinulungan mo ang anak namin, hijo," masayang wika ni mama. Hinintay ko lamang ang reaksyon ni Noah. At hindi ko inaasahan na ngingiti ito kay mama, ngiting para bang hindi napipilitan, walang
