"Kumusta ang pakiramdam mo? Nakatulog ka ba nang maayos kagabi?" pagbubukas ng usapan ni Noah.
Nilingon ko siya at tinangunan. "Maayos naman na ang pakiramdam ko at oo, nakatulog naman ako nang maayos. Siguro ay dahil sa pagod kaya mabilis lang din akong nakatulog kagabi," sagot ko saka na umiwas ng tingin at isubo ang pagkaing nasa kutsarang hawak ko.
"Mabuti naman kung gano'n. Nga pala, may kaso akong kailangang asikasuhin ngayon. Pero kung may kailangan ka, puntahan mo lang ako sa opisina ko sa taas," aniya.
Muli akong tumango rito. "O-ok. Nga rin pala, Noah, k-kailan pala tayo pupunta sa p-pamilya mo?"
Ayokong mabigla sa araw ng pagkikita naming lahat, gusto ko ay malakas ang loob ko at handa ako kahit papaano para naman mabawasan kahit kaunti ang kabang nararamdaman ko. Sa lumipas
