"Diyos ko, hijo! Bakit ang dami mong sugat bata ka?!"
Mabilis akong bumaba ng hagdan nang marinig ang stress na stress na boses ni manang mula sa sala. Pagbaba ko ng hagda'y nanlaki ang mga mata ko nang maabutan si Noah na puno ng sugat ang kanyang mukha. May pasa sa gilid ng mata niya, at putok ang labi nito.
"N-Noah, ayos ka lang ba?" Mabilis akong lumapit sa kaniya. "Ano'ng nangyari?" puno ng pag-aalala kong tanong. Isa-isa kong inusisa ang bawat parte ng katawan niya, mula ulo, sa mukha, at sa mga kamay. Napasinghap na lamang ako sa mga dugong tumutulo sa iba niyang mga sugat.
"D-dadalhin ka namin sa Hospital—manang, pakisabi po kay Kuya Roger na ihanda ang sasakyan," utos ko kay manang.
"Oo, hija—"
"Huwag na po, manang. Ayos lang ako," pagtutol ni Noah. Sumangayon si manang.
"P-
