"NAHULI na ba ang nanakit sa anak ko? Ayoko nang maulit pa 'to, Noah! Nangako ka sa amin na iingatan mo siya, hindi ba?!"
Natigil ako sa paglalakad nang marinig ang pamilyar na boses na nagmumula sa sala.
"Ano, kumusta na ang anak namin ngayon? Ayos na ba talaga siya?"
Dali-dali akong nagpatuloy sa paglalakad pababa ng hadgan, saka dumeretso sa sala nang matantong boses 'yon ni mama. Nandito na sila! Pero bakit, parang nag-aaway sila?
"Ma? Pa?" Sabay-sabay silang lumingon sa akin tatlo nang kunin ko ang atenyson nila. Ang mga magulang ko ay mabilis na lumapit sa akin, mahigpit akong niyakap, habang hindi naman nakatakas sa aking tingin ang pagbuntong-hininga ni Noah.
"A-ano pong nangyayari rito? A-ayos lang po ba ang lahat? Ano pong sinasabi niyo kay Noah? Ano'ng pinag-uusapan niyo? s
