Kabado si Nina habang nakaupo sa monoblock chair sa harapan ng tindahan kung saan lagi niyang hinihintay si Baxter. Kanina pa siya sa tagpuan nila. Nasa kandungan niya ang cookie jar na dala niya. Kagabi, gumawa si Ate Aiah ng cookies na ipapasalubong daw nito sa hindi niya pa nakikitang kamag-anak nito. Binigyan siya ni Ate Aiah ng dalawang jars para raw sa Luisiana pero balak niyang ibigay kay Baxter ang isang jar na tinalian pa niya ng pulang ribbon. Gift niya kay Baxter, but more of a peace offering.
Kaya lang, hanggang ngayon wala pa ito.
Ilang ulit na siyang napapatingin sa kalsada.
“Masyado kaya akong napaaga?”
Kung tutuusin, wala naman na silang pasok dahil may nakatalagang year levels ang magka-conduct ng party ngayon sa school. Nangatwiran na nga lang siya kay Ate Aiah na bib
