“Eloy, bilisan mo.”
Inaabot niya mula sa kapatid ang bawat laundry clip na ginagamit na pang-ipit sa mga isinampay na damit. Kahit nagmamadali, sinisigurado niyang maayos tingnan ang mga damit sa sampayan. Patay siya kay Auntie Carlotta kapag hindi nito magugustuhan ang makikita. Titikwas kaagad ang kilay at walang salitang tititigan siya nang masama na para bang nakagawa ng malaking krimen.
“Ate, ito pa.”
Iniabot ng bunsong kapatid ang puting shorts ni Lyka, ang pinsang niyang babae. Umiling siya nang nakangiti kay Eloy. “All shorts. All whites. ‘Di ba ganyan dapat?”
Napapakamot na napapangisi si Eloy. Isinuksok nito sa bulsa ng shorts ang hawak na isang pakete ng biscuit. Itinabi niya pa talaga iyon kahapon at hindi kinain para sa kapatid.
“Ako na nga lang. Ubusin mo na lang ‘yang p
