TAHIMIK lamang at madalas na tinitingnan ni Maybel ang kaniyang nobyo habang nagkukuwanri siyang nililinis niya ang center table na nasa sulok ng opisina nito.
Banayad siyang nagpakawala ng buntong-hininga pagkuwa’y dinampot niya ang mga magazine. Kanina niya pa gustong makausap ang nobyo. Pero hindi niya alam kung ano ang una niyang sasabihin dito. Lalo na’t nasa mukha nito na hindi ito okay at wala ito sa mood ngayon.
Pinuntahan na rin niya kanina sa opisina nito si Bora para tanungin kung ano ang naging sagot ni Hunter tungkol sa balak nitong pagkuha sa kaniya bilang bagong model ng kumpanya. At ang sabi sa kaniya ng bading ay hindi raw pumayag ang kaniyang nobyo. E, paano naman ang kumpanya kung hindi ito papayag na gagawin siyang bagong model? She just wanted to help him para mata
