MATAMAN lamang na nakatitig si Maybel sa kaniyang nobyo. Nakahiga na siya sa kama nito samantalang nakaupo naman si Hunter sa swivel chair nito na nasa tapat ng lamesang nasa sulok ng silid nito. Kanina pa itong naroon at may ginagawang trabaho.
Pagkatapos nilang kumain ng hapunan kanina ay nauna na itong pumanhik sa kuwarto nito dahil may tatapusin daw itong trabaho. Samantalang nilinis muna niya ang kusina bago siya sumunod dito. Nakapaglinis na rin siya ng kaniyang katawan at ngayon nga ay nakahiga na siya sa kama nito.
Muli siyang nagpakawala ng banayad na paghinga habang nakasandal siya sa headboard ng kama. Hanggang ngayon ay hindi pa rin tuluyang nagsi-sink in sa kaniyang utak ang mga nangyari kanina. Ayaw pa rin niyang maniwala na boyfriend na nga niya si Hunter. Ang lalaking b
