“OH MY GOD!” nagmamadaling tumayo sa puwesto nito si Jhez. Nang makalapit ito kay Maybel ay kaagad nitong niyakap ang kaibigan.
“Jhez!” sambit niya ulit sa pangalan ng dalaga. Nagulat lamang siya na makita ito roon. Hindi niya inaasahan na nandoon ito ngayon. Mayamaya ay gumanti na rin siya ng yakap dito.
“How are you?” malapad pa rin ang ngiti sa mga labi ni Jhez nang hagkan nito si Maybel sa magkabilang pisngi. “I never expected to see you here. What are you doing here?” tanong pa nito habang hindi pa rin pinapakawalan ang mga kamay ni Maybel.
“Um, dito na ako nagtatrabaho,” aniya. “My God! Na-surprised ako. Kailan ka pa nakauwi rito sa Pilipinas?” bakas pa rin sa mukha niya ang labis na saya sa muli nilang pagkikita ng dalaga.
“I knew it. Sabi ko na nga ba magugulat ka kapag nagkit
