“KUMUSTA ka na Ken?” nakangiting tanong niya sa kapatid nang kinabukasan ay dalawin niya ito sa Hospital. Dalawang araw na rin kasing hindi siya nakakapunta roon gaya nang naipangako niya sa kaniyang Nanay. Medyo naging busy lang siya sa kaniyang trabaho kaya hindi siya makapunta roon upang kumustahin ang kalagayan ng kaniyang kapatid.
Ngumiti ang binatilyo. “Okay naman ako ate,” sagot nito. “Masaya rin ako kasi nandito ka na.”
“Kahapon pa ‘yan naghihintay sa pagdating mo ate.” singit na saad ni MJ sa kanilang ate.
“Pasensya ka na kapatid ko huh! Medyo busy lang si ate sa trabaho,” sabi niya rito.
“Okay lang ate. Naiintindihan ko naman e! Pero, puwede ba akong mag rekwes sa ‘yo?”
Bahagyang nagsalubong ang kaniyang kilay habang nakatitig ng seryoso sa kapatid. “Oo naman. Bakit ano ba ‘
