Nahinto si DJ sa akmang pagbukas ng pintuan ng iron room ng marinig ang boses ni Desiree na may kausap. Hula niya ay si Jazzie iyon. Alam niyang pagod na ito at nakapagluto na rin ito. Kaya, yayayain na niya itng kumain. Bukas na ang niya ulit ito uutusan. May ipapalaba siya na tiyak na mapapagod ito. Gusto niya ring malaman kung bakit ito nagtitiis na maging katulong niya kung puwede naman ito mag-apply sa ibang trabaho. Ano ba ang rason? Gusto ba nitong bumawi sa kaniya? O baka may binabalak siya. Napaiing siya sa huling naisip. Alam niyang hindi magagawa iyon ni Desiree. Nang matapos itong makapag-usap, itinulak na niya papasok ang pinto. Napatingin sa kaniya ang dalaga sabay ngiti. Napatingin siya sa labi nito na kaypupula. May nakahalik na ba rito simula noong magkahiwalay sila? Sh*t!
