Ramdam ni Danica ang kaba sa tuwing papasok siya sa trabaho. Siguro dahil na rin sa mga sinabi ni Mister Magsino, sino nga ba naman ang hindi masisindak kapag ang principal na ng school ang kausap mo? Kahit anong bait ng isang tao kapag alam mong may posisyon siya na alisan ka ng isang trabaho ay hindi mo magagawang pigilan ito.
Kasalukuyang nasa faculty ang tatlo at nagkukwentuhan sa mga nangyayari nitong nakalipas na araw. Ngunit hindi pa rin mawala sa isipan ni Danica ang mga nangyari nito lamang isang araw matapos dumalaw si Rosalyn sa kanilang paaralan. Tulala lang siya habang ang dalawa ay nagtatawanan. Napansin naman ni Paola ang katahimikan niya.
Kunot-noo tiningnan ni Paola si Danica. "Girl, bakit bigla kang natulala, may problema ka ba?"
"Ah, wala. May naalala lang ako," tugon
