Bumukas ang pinto sa arrival area ng airport at iniluwa nito si Belinda, ilang buwan din matapos niyang umalis patungong Amerika at napakadaming nagbago. Nabalitaan kasi nito ang mga hindi kanais-nais na nangyayari sa anak niyang si Az. Isa na rito ang pag-ako niya sa dinadala ni Rosalyn sa sinapupunan niya. Hindi niya ganoon kakilala si Rosalyn sa personal ngunit marami siyang naririnig dito magmula nang iwan niya si Az. For her, Rosalyn is just another gold digger woman who need to use Az for her living and she will not let it happen. Sopistikada siyang naglakad papalabas ng arrival area, hinubad ang coat dahil sa maalinsangang panahon sa bansa at pati na rin ang sun glasses na suot nito. Inaninag ang paligid hanggang sa makita ang sasalubong sa kanya.
"Hi, tita," bati ng isang pamilyar
