Lunes ng umaga, katatapos lang ng klase ni Danica sa morning-session class niya. Tila hindi ito mapakali sa mesa niya dahil panay ang titig nito sa cell phone at panay rin ang tipa nito na ani mo'y may kinukulit sa text.
"Hey! Are you okay."
"Pupuntahan kita. Nasaan ka ba?"
"Kung kailangan mo ng kausap tawagan mo lang ako."
Ito ang mga mensaheng ipinapadala niya kay Az. Makailang beses na rin niya itong tinatawagan pero hindi ito sumasagot.
"Hoy, babae! Bakit parang hindi ka mapakali diyan?" bungad ni Ma-an kay Danica habang inaayos nito ang gamit niya sa kaniyang mesa dahil napansin nitong hindi mapakali ang kaibigan.
"E, kasi naman may katext... patingin nga ng phone mo!" singit ni P
