TINANGUAN NI SEBASTIAN ANG MGA TRIBUNG IMORTAL NA AKTIBONG MIYEMBRO NG CALIDA samantalang hindi pinansin ang hayagang paghagod ng paningin ng mga guests sa Gala Dinner na iyon.
Hindi nakaligtas kay Sebastian ang pagtataka sa mga mukha ng mga nakakakilala sa kanya. Hindi niya masisi ang mga ito dahil iyon ang kauna-unahang pagkakataon na dumalo siya ng fundraising event na iyon at ng anupamang pagtitipon na may kinalaman sa organisasyong itinatag niya. Nasanay ang mga ito na isa lang siya sa mga utak sa likod ng CALIDA katulad din ng iba pang imortal na piniling hindi makisalamuha sa mga tao. Kung sumasali man siya sa mga programa ng CALIDA ay iba’t ibang papel ang ginagampanan niya mula bilang driver hanggang construction worker.
Pero sa gabing iyon ay pumunta siya hindi bilang isa sa m
