HINDI MAKAPANIWALA SI JADA NA SA LOOB LAMANG NG HALOS ISANG BUWAN simula nang tumakas kay Ambrose ay makakapunta siya sa iba’t ibang lugar. Nakarating siya sa Mindanao nang isama siya ni Dra. Clara sa outreach program na pinangunahan nito. Doon niya nakilala ang mga kaibigan na sina Mariz at Jesson. Mula sa isa sa mga malalawak na kagubatan doon ay narating din niya ang isa sa pinakamaunlad na siyudad doon para sa orientation. Nakabalik sila sa Manila nang ma-assign si Mariz sa NCR, nagbalik trabaho si Jesson at siya naman ay nagte-training para maging miyembro ng CALIDA. At ngayon naman ay nasa lalawigan sila ng Rizal para sa isa namang event ng organisasyon.
Natuwa sila ni Mariz nang makasama silang tatlo sa grupo na bibisita sa mga hotel and resort properties na pagpipilian nilang pag
