NAGPADALA SI JADA NG MENSAHE kay Mariz na babalik na lamang siya sa kanilang hotel room at hindi na susunod sa mga ito. Nang makapasok sa silid ay inilatag ni Jada ang katawan sa kama, nakadipa ang mga kamay at pinag-iisipan ang mga nangyari. Gusto niyang malaman kung bakit siya lang ang hindi nakakakita kay Sebastian sa dilim. Pero mas higit ang kagustuhan na malamaan at maunawaan kung ano ang nagpapabagabag sa lalake. Pero muli, tinanggap niya na na kahit kailan ay hindi na niya malalaman iyon katulad din ng maraming katanungan tungkol sa sarili at pagkaka-ugnay niya sa mga imortal na nakilala. Parang nagkakaisa ang mundo na ilihim sa kanya lahat ng mga detalyeng dapat ay alam niya.
Itinaas ni Jada ang kamay na matagal na nahawakan ni Sebastian. Unang pagkakataon na nahawakan ng isang l
