KABANATA 23: MAGKASALO
“Pagpasensiyahan mo na ang luto ko, hindi ako gano’n kabihasa sa ganitong gawain.” Nahihiyang saad ni Aeron. “Gano’n ba, tikman ko nga at ng mahusgahan.” Mabilis na kinuha ni Tina ang sandok na hawak ni Aeron at tumikim ng sabaw. Lumabi siya at panandaliang hindi umimik. Hindi naman malaman ng binata kung paano magre-react sa nakikitang ekspresyon ng mukha ni Tina. Confident naman siya na maayos ang kaniyang luto at wala naman dapat ipag-alala pero iba kapag si Tina na ang pinag-uusapan. Ayaw niyang mapulaan nito. “A-anong lasa?” kabadong tanong ni Aeron ng makitang hindi pa rin umiimik si Tina, nakailang kuha na ito ng sabaw gayundin ang mga gulay. Tila pinapak na nga nito ang kakaunting ulam na niluto niya. “Teka! Huwag kang magulo, tinitikman ko pa, e.” Angil ni Tina na agad ikinaku
- Writer
