"Mommy?"
Napakurap ako nang marinig ang boses ng anak ko. Niyuko ko si Izanagi na kunot ang noo at nakatingala sa akin. Hindi ko napansin na nakapasok na pala siya ng kwarto at naabutan akong nakaupo lang sa kama at tulala sa bintana.
"Izanagi.." Tumikhim ako. "Ano 'yon?"
"Ang sabi ko po bakit hindi pa po kayo nag-aayos? Ngayon po ang recognition namin ni Naori."
Nanlaki ang mata ko nang maalala ang araw ngayon.
Shit.
Hindi kasi mawala sa isip ko ang binalita ni Gail sa akin tungkol kay Blade. Na narito lang siya sa pilipinas sa loob ng pitong taon.
"Mag-asikaso na kayo at susunod na agad ako. Okay?"
"Mommy, okay ka lang ba?" nag-aalalang tanong sa akin ni Nagi.
I nod. "Oo naman, anak."
Tumango si Izanagi at lumabas ng kwarto. Mabilis naman akong kumilos para mag-ayos ng sarili.
