Alas nueve na ng gabi at nasa loob na ng mga cottage sila Tris, Drew, Biggie at Blade. Si Hate naman ay umalis saglit dahil may pupuntahan daw siyang importante. mukhang ito ang isa sa pinakamagandang araw na nangyari sa akin maliban sa pagdating ni Lindsay na pinaglihi ata sa sama ng loob.
Ngumuso ako habang nakaupo sa dalampasigan at bahagyang nababasa ng dagat ang aking mga paa. Malalim na ang gabi pero hindi ako dinadalaw ng antok. Ang iba ay tulog na dahil sa pagod lalo na si Drew at Biggie na animo'y magkapatid.
Sinulayapan ko ang sout ko at nakangiting napailing. Simpleng puting bestida ang ipinalit ko sa two piece bikini. Nahihiya rin kasi ako kaya pumayag na rin ako sa gusto ni Blade na magpalit.
"Aren't you sleepy?"
Nilingon ko si Hate at ngumiti. Umupo siya sa tabi ko at na
