Iris POV
"Calm down, Iris." mahinahon na pagpapakalma sa akin ni Kuya General.
Nangangatal kasi ang buong katawan ko sa takot. Naka-upo na ako sa sahig dahil sa panghihina. Puno ng pawis ang muka ko at alam kong gulo gulo na ang buhok ko ngayon dahil kanina pa ako napapasabunot doon.
Kaba, prostrasyon, at inis sa sarili. Naghalo halo na lahat ng nararamdaman ko na at hindi na alam kung paano pa ba ako kakalma.
Nasa emergency room si Isagani ngayon ay inaasikaso na.
Pero kahit gano'n ay hindi pa rin ako makahinga ng maayos. Natatakot ako. Kinakabahan. Inaasikaso na siya ng mga doktor pero hindi ko mapigilan na matakot sa kalagayan niya.
Kitang kita ko ang hirap na paghinga niya kanina. May pantal na pula sa halos buong katawan niya. . .
"Kasalanan ko, Kuya." mahinang bulong ko rito.
