"JenBee! Georgina!"
Napatayo sa pagkakaupo sa batuhan sina Ashley at Justin nang makita nila ang pababang sina JenBee at Georgina na galing sa loob ng bundok.
"Kailangan na nating umalis dito. Sabihin na lang natin sa mga magulang natin na nakitulog tayo sa isa pa nating kaklase kaya hindi tayo nakauwi agad," agad na sabi ni JenBee nang makalapit sa mga ito.
"Teka, nasan si Norlyn? At iyong iba pa?" takang tanong naman ni Georgina.
Nagkatinginan ang naroon na sina Ashley at Justin.
"Iyon na nga ang problema Georgina. Nang hindi na kayo nakabalik dito kagabi, umakyat din si Kurt sa bundok at pilit niyang isinama sina Alex at Rob kahit ayaw sana nila. Gusto kasi ni Kurt na mahanap kayo kaagad at sumama rin si Norlyn sa paghahanap. Mabuti nga at hindi na lang basta umalis sina Kurt eh. K
