Madaling nauto ni JenBee at ng mga kaibigan niya ang grupo ni Kurt. Ngayon ay magkakasama na sila gamit ang sasakyan ni Kurt na innova at ito mismo ang nagmamaneho.
"Mukhang magwawala ka JenBee ah. Talagang susulitin mo ang pagkakataong wala ang yaya mo no'?" tila nang-aasar pa ring sabi ni Kurt kay JenBee.
Sa backseat nakaupo si JenBee kasama ang iba pa habang si Rob naman ang katabi ni Kurt sa harapan.
Umarko ang kilay ni JenBee na parang gustong patulan si Kurt pero mabilis siyang siniko ni Georgina. Pinanlakihan siya nito ng mata na para bang sinasabing sakyan na lang ang trip ni Kurt.
"Oo naman. Minsan lang 'to eh," napipilitan pang sumagot nang ayos si JenBee.
"Woah! For the first time atang hindi mo sinagot ng pagalit si Kurt, Ms. Jenny Bee Evangelista," sinadya pa ni Rob na ta
