Hindi nagtagal mas lumalim pa ang nararamdaman ko para kay Ray.
May pasok na nga ako, siya pa rin ang naiisip ko. Iba na yata ang epekto ng internet love sa ‘kin. Gayunpaman, hindi pa ako nakakaamin sa kanya. May balak talaga akong gawin. Why not, ‘di ba? Nasa internet lang naman, eh. Gusto ko lang subukan, besides iba ang nararamdaman ko sa kanya. Malakas ang confidence ko at ang tagal-tagal na naming magkakilala ni Ray. Naging komportable agad ako sa kanya.
Hindi tulad sa personal ko na buhay. Kaya rin siguro hindi ko magawang tanggapin ang feelings ni Owen dahil takot pa rin ako na may mangyari na naman at sa huli ako ang masasaktan. I can’t risk my friendship with him, isa na siya sa mga mahalaga sa ‘kin kaya ayoko ng masira ‘yon. ‘Di tulad sa internet, okay lang kung masaktan ako.
