It was a tiring day. Nag-start na kasi ang exam week. Puspusan na talaga ang pag-aaral ko. Samantalang si Sammie, maayos na rin ang kalagayan niya. Ilang araw na rin kasi ang nakalipas, gumaling na ang paa niya.
Nang makauwi no’n sila Mama at Papa ay pinagtuunan din nila ng pansin ang kapatid ko. Mabuti na lang dahil kung hindi maiisip na talaga ni Sammie na wala silang pake sa kanya. Nakakalungkot lang isipin dahil sa magkakapatid, nadi-divide talaga ‘yong atensyon ng mga magulang o sadyang kami lang ang gano’n? Hindi naman siguro nangyayari sa iba.
Pagsapit nang gabi ay bumaba na ako para kumain ng dinner kasama sila. Kung p’wede nga lang sa kwarto na ako kumain para kulong na kulong talaga ako ro’n sa pag-aaral. Hindi naman makapapayag si Mama kaya bumababa pa rin ako para makasama
