MASAYANG pumasok si Saphira sa loob ng magarang mansiyon. Kagagaling niya sa lungsod at iyon ang araw na umuwi siya sa Sitio Tres pagkatapos ng ilang taong pananatili sa Maynila. Nais niyang sorpresahin ang kanyang ama na si Senyor Esmundo sa kanyang pag-uwi at hindi niya sinabi dito ang tungkol doon. Nasa labas palang siya ng villa ay pansin na niya ang kadiliman sa loob ng bahay. Wala siyang makitang liwanag doon kaya takang-taka siya.
Pagpasok niya sa loob ng mansiyon ay sumalubong sa kanya ang kadiliman ng paligid. Natigilan siya at lalong nagtaka. Natatandanan niyang kailanman ay hindi dumilim sa mansiyon nila. Ayaw ng kanyang ina na nawawalan ng liwanag ang kanilang tahanan. At hanggang sa mawala ito ang kinasanayan na nila at ng mga tao doon ang pananatili ng liwanag sa kanilang ma
