UNTI-UNTING nagkakamalay si Saphira at bahagya pa ring nahihilo dahil sa ipinaamoy sa kanyang gamot na pampatulog. Ilang minuto pa bago siya tuluyang nagising. Saka lang niya naalala ang nangyari at kung bakit naroon siya sa lugar na iyon. Ang biglang pagsulpot ng grupo ni Kanor sa kubo at ang pagkuha ng mga ito sa kanya. Naramdaman niya ang pagkakatali ng mga kamay niya sa likod ng kinauupuang kahoy. Nang hindi niya makalas ang tali ay iginala niya ang paningin sa paligid. Tila iyon isang abandonandong lugar. Hindi niya alam kung saan eksaktong naroon siya. Nag-iisa lang siya sa maluwang na silid na iyon. Sigurado siyang kahit medyo madilim ay nag-iisa lang siya doon dahil wala naman siyang nararamdaman na ibang presensiyang naroon maliban sa kanya. Muli niyang sinubukang kalagin ang pagk
