AGAD na nagpaputok ng hawak na baril si Ludgi pagkakita sa grupo nila Kanor. Nadatnan nila ang mga itong nakapalibot sa isang hukay at kitang-kita pa niya ang pagkalaglag ng isang mahaba at makipot na kahon doon na tila ginawang ataul. Nangalinsag ang lahat ng balahibo niya sa katawan ng maisip kung ano ang nasa loob niyon.
Hindi maari! Sigaw ng isip niya. Hindi maaring si Saphira ang nilalaman ng kahon. Lalong umigting ang galit na nadarama niya. Papatay na ang itsura niya ng makipagpalitan siya ng mga putok ng baril sa grupo ni Kanor.
Kasama si Liam ay nakipagpalitan sila sa mga ito. Sanay ang mga ito sa pakikipaglaban pero hindi uubra iyon sa kanila. Ilang sandaling umalingawngaw ang putukan sa isang dulong bahagi ng hasyenda ng mga Monte Caztres kung saan naroon sila ngayon. Doon di
