TAHIMIK na namimili si Ludgi ng mga gamit para sa kubo ng marinig niya ang komosyon sa paligid. Kasalukuyan siyang nasa bilihan ng mga kumot sa gilid ng kalsada malapit sa maliit na pamilihang bayan ng Sitio Tres. Hindi sana niya papansin ang komosyon sa kanyang paligid subalit nagsalita ang tindera.
“Naku! Hayaan nanaman ang mga alipores ni Kanor. Kailan lang sila nagpunta dito para magdelihensiya ng pera pero nandito nanaman sila.” Anang tindera na nakatingin sa bandang unahan.
Natigilan siya. Kung gayon ay naroroon ng grupo ni Kanor. Hindi lingid sa kanya ang ginagawang pagdedelihensiya ng mga grupo ng lalaki sa mga tao doon. Ginawa iyon ni Kanor simula ng mapunta dito ang ari-arian nila Saphira. Ang kinaroroonan ng mga nagtitinda sa hilerang iyon ay hindi sakop ng pamilihang bayan ng
