Minahal lang kita

EPISODE 52

Kinabukasan, maagang nagising si Gavin.

Sa totoo lang, hindi siya nakatulog nang maayos.

Paulit-ulit sa isip niya ang nangyari kagabi—ang pagpunta ni Samantha, ang tensyon na nangyari saknila, ang mga salitang halos naging laban ng pride,ang muntikan ng mauwi sa mainit na tagpo.

Alas–kwatro pa lang ng madaling araw pero gising na gising ang diwa niya.

Tahimik ang bahay.

Dumeretso siya sa kusina. Nagsaing. Nagprito ng itlog. Nagpainit ng tubig para sa kape. Habang hinihintay maluto ang almusal, niligpit niya ang mga bote at baso na naiwan nila ni Miel sa sala.

Hindi niya gustong maabutan ni Miel ang kalat.

Alam niyang maya-maya lang gigising na rin ito para pumasok.

Habang nagluluto, hindi maiwasang mag-isip.

Hindi siya galit kay Samantha—

pero hindi rin siya komportable.

At sa g