Tahimik akong nakaupo sa likod ng aming sasakyan, naninibago sa lahat. Hindi na pamilyar sa akin ang buga ng malamig na aircon, ang tunog ng malakas na stereo. Bahagyang pumayat si Mommy, ganundin si Daddy. Bagay na alam kong gawa ko.
"Kumusta ang pananatili mo sa kanila?" lingon ni Mommy sa akin, sabik pa rin.
"Ayos lang po." nakangiti kong tugon, "Si Nanang ay napakabuting tao sa akin."
"Hindi kami na kami magtatanong kung bakit ka naglayas, kalimutan natin iyon." si Daddy na nakalingon na rin sa akin, "Ayaw naming mag cause iyon ng paglalayas mong muli."
"S-Sorry po..."
"Okay na iyon Sweete, ang mahalaga ay nandito ka na ulit." si Mommy, "No more layas at pagtatago ng matagal ha? Once na may problema ka, makikinig kami ng Daddy sa'yo."
Paulit-ulit akong tumango, nahihiya na
