Nakangiti kong pinagmasdan ang mga punong-kahoy na aming nadadaanan. Unti-unti na silang nagkakaroon ng anino, sanhi nang papasikat na haring araw. Malamig ang simoy ng hangin ng pasimulang bagong umaga. Pumapasok ito sa bintana ng aming sasakyan na bahagyang nakabukas sa may aking banda.
Pauwi na kami ng probinsya. Lulan ng isang puting van ay kasama ko si Mommy at si Daddy, si Ate Lukring, si Mang Dante at ang asawa nito. Dala na namin ang aking gown na gagamitin sa aking debut. Hindi ko mahulaan kung paano nila ito natapos gawin sa loob ng iisang gabi.
"Iyong event organizer na ang magdadala ng damit ng mga kasali sa eighteen thing mo, Sweete." wika ni Mommy na siyang nagpa-lingon sa akin, sa may gawi nila. "Okay?"
"Alright po." tugon ko na muking ibinaling sa labas ang mga mata.
"
