Pagod at mapungay ang aking mga matang nakatunghay sa payapang mukha ng aking bagong asawa. Maliit akong napangiti nang maisip na asawa ko na siya ngayon, hindi na matatawag na boyfriend ko lang. Sa dami ng aming mga pinagdaanan ay naging kanlungan pa rin naming ang bisig ng bawat isa. Bakas sa nakasarang talukap ng kanyang mga mata ang pagod na kanyang pinagdaanan sa araw ng aming kasal na dalawa. Lulan na kami ngayon ng eroplano, patungo sa aming honeymoon na halos aabot ng ilang buwan.
"Timothy anak, gusto ko ng babae!" nagbibirong sambit ng kanyang ina habang pasakay kami ng van, iyon ang sasakyang magdadala sa amin patungo sa paliparan. "Ayusin mo para makabuo agad ha?"
Agad nag-init ang aking mukha, alam ko naman kung ano ang ibig niyang sabihin dito.
"Gusto ko naman ay lalaki bal
