MIKA
Sumama ang loob ko dahil hindi ako isinama ni Callisto ng umalis siya para pumunta sa ospital. Nanlalabo pa rin ang mga mata ko habang inaalala ang kalagayan ni Uno. Ilang beses kong tinatawagan ang numero niya pero out coverage.
Si Daisy mayat-maya ang punta sa akin dito sa kwarto para alukin ako ng kung ano-ano pero tinatanggihan ko siya. Kung alukin niya ako na samahan ako papunta sa ospital, baka sakaling nakatayo na agad ako.
I can't imagine all the negative images I have about Uno. Hindi ko kayang makita na nakahandusay si Uno sa isang kalsada, duguan at wala ng malay. Pero mas lalong ayaw ko rin na makita siya sa isang bangin o sa kung saan man! Gusto ko, kaharap ko siya ngayon, buhay na buhay at nilalambing ako.
Dumaloy na naman sa aking pisngi ang luha hanggang sa maram
