MIKA
Tumayo na ako para sana silipin sa butas kung sino yo’ng nag doorbell pero napurnada ang gagawin ko dahil bigla akong napasapo sa aking bibig ng maramdaman ko na parang masusuka ako.
Parang hinahalikwat ang sikmura ko kaya inisang hakbang ko ang sink saka binuksan ang gripo dahil pakiramdam ko marami akong maiisuka pero tanging laway lang ang nailuwa ko.
Biglang guminhawa ang sikmura ko.
Ilang segundo pa akong nag tagal sa lababo. Pinakikiramdaman ko kung masusuka pa ako pero habang tumatagal ay nawawala ang sama ng pakiramdam ko.
Muling tumunog ang doorbell kaya alerto kong pinatay ang gripo saka pinunasan ang aking bibig.
Pagdating ko sa tapat ng pinto, tumingkayad ako ng bahagya para silipin kung sino ang nasa labas.
Si Kuya Lester. Nakikita kong may dala siyang supot n
