INIRAPAN KO SI FOURTH NANG MAGKITA KAMI KINAUMAGAHAN. Ang lakas ng trip niya at sinira niya ang gabi ko dahil sa text niya. Wrong send daw. Paasa di ba?
Ngumisi lang naman siya at kumaway. Magsisimula na ang first subject niya in five minutes kaya wala na siyang oras para lumapit at makipag-usap sa amin.
"Magkaaway na naman ba kayo?"
"Magkaaway? Nakangisi nga siya sa akin, di ba?"
Tinawanan nila ako. "Ang bagal niyong dalawa."
"Huh?"
"Wala! Naiinip na kami sa inyo."
Hindi ko pa din sila maintindihan.
At ayaw ko ding intindihin ang sinasabi nila.
Nilabas ko ang sterilize milk sa aking bag. Nilabas ko din ang mga cookies na b-in-ake namin kagabi, na agad na pinag-agawan ng mga lalake. Isang piraso lang tuloy ang natira sa akin. Pero ayos lang, hindi naman ako gutom dahil kumain
