KUNG kanina ay uwing-uwi ako para makaiyak ng husto, ngayon naman ay ayaw ko munang umuwi. Nagpunta ako sa mall, sa pag-sa-shopping ko binunton ang frustrations at galit na nararamdaman ko.
Gusto kong mag-isip ngunit hindi naman gumagana ang aking isip. Kasama ko ang driver na siyang tagabitbit ng aking mga pinamili. Nakailang store na kami ng pinuntahan at bawat store ay binibilhan ko kahit hindi ko naman sure kung kailan ko magagamit ang mga pinamili ko.
Dala ko ang credit card ni Kuya. Nakatanggap na nga ako ng text mula sa kaniya, nagtatanong kung napano ako? Nagtataka siya na bigla akong nag-shopping spree na dati ay hindi ko ginagawa. Mula nang ituring kong kaibigan at parang kapatid si Lai--- ang ahas na iyon, hindi ko na naranasang mag-shopping. Nakakatikim lang ako ng mga bag
