“REINA.” Pumasok ang principal nila sa classroom habang nagtuturo ang kanilang creative writing teacher kaya napatigil tuloy ang guro sa pagsasalita.
“Yes, ma’am?” magiliw na sagot ng babae.
“Step outside for a moment, please.”
Agad namang tumayo ang babae habang taas-noong kumendeng-kendeng sa paglalakad palabas ng classroom.
Sinundan na lamang ito ng tingin ni Syrene at lihim na natawa. Likas talagang maarte at kikay ang kaklase nilang iyon ngunit isa rin ito sa palaging lumalapit sa kanya at nakikipag-usap.
Dahil mas matanda siya sa mga ito, wala siyang ka-close pero madalas niyang kausap sina Brenda, Olga at Reina dahil ang mga ito ang kalapit niya sa upuan.
“Bakit kaya siya pinalabas?” bulong ni Brenda.
“Baka dumating ang mommy at ipapa-excuse na naman dahil mamamasyal sa ku
