NAPAHAWAK nang mahigpit si Syrene sa script na nasa kamay niya at sunod-sunod na humugot ng malalim na hininga.
Gusto niyang sundan si Clint sa trailer van nito ngunit alam niyang mas lalo lamang itong magagalit.
Kahit ang mga fans nito na kanina pa sinisigaw ang pangalan ni Clint ay dinaanan lamang nito at hindi pinansin. Marami tuloy ang nalungkot at nadismaya sa inasal ng lalaki.
Nag-ring ang cellphone niya sa bag at agad niya namang kinuha iyon. Bahagya pang tumalon ang puso niya nang mabasa ang pangalan ng binata sa screen.
“Huwag mo nang ituloy ito, Syrene,” agad nitong bungad. Sa tono pa lang ng boses nito ay alam na niyang nagpipigil lamang ng galit si Clint. “Umalis ka na rito sa teleserye hangga’t hindi pa nasisimulan ang pag-shoot ng eksena ninyo ni Jane.”
Lumunok si Syr
