Kadiliman ang sumalubong kay Warson sa pagpasok niya ng bahay. Sinarado niya ang pintuan at hinanap ang switch ng ilaw na nasa gilid lamang ng pinto pero nagawi ang tingin niya sa sala kung saan sa tulong ng liwanag na nanggagaling sa nakabukas na telebisyon ay naaaninag pa rin niya ang itsura ng paligid.
Kumunot ang noo at nagsalubong ang kilay ni Warson. Isang pelikulang nakakatawa ang naka-flash sa TV screen at mula naman sa sofa na nakatalikod ang pwesto mula sa kanya ay naaninag niyang may dalawang ulong nakalitaw dahil lumagpas ang mga ito sa sandalan. Ibig sabihin ay may dalawang taong magkatabi ngayon na nakaupo doon.
Out of curiousity ay dahan-dahang naglakad palapit sa sala si Warson para tingnan kung sino ang mga nakaupo doon. Sa pagkakaalam niya kasi ay may pasok ngayon si Ya
