Sakay ng kotse sila Warren at Warson. Binabaybay nila ang daan papunta sa kung saan. Nakatingin lamang si Warren sa daan dahil pokus ito sa pagmamaneho ng kotse. Si Warson naman ay seryoso ang mukha habang nakatingin kay Warren.
Maya-maya ay nagbuga nang hininga si Warson bago nagpasyang magtanong. “Saan na tayo pupunta, Kuya?” tanong niya. Hindi pa kasi nasasabi sa kanya ni Warren kung saan sila patungo ngayon.
Sandaling tiningnan ni Warren si Warson. Muli ring bumalik ang tingin niya sa daan.
“Sa Maynila,” sagot ni Warren na ikinagulat ni Warson.
“Sa Maynila?” tanong ni Warson.
Tumango-tango si Warren na nasa daan pa rin ang tingin.
Hindi naman makapaniwala si Warson. Huminga siya ng malalim. “I’m sorry, Kuya,” pagso-sorry niya. Kundi dahil sa kanya, hindi sana magkakagulo ang laha
